Skilmálar

Kringlubazaar, 3.hæð Kringlan

BÁSALEIGA


Ný greiðsluleið

Hægt verður að nota 100% afsláttarkóða til þess að greiða leiguna með inneign af seldum vörum, það verður dregið af viðkomandi þegar básaleigu lýkur. Ef viðkomandi mætir ekki á réttum degi eða síðasta lagi 2 tímum fyrir lokun búðarinnar að þá höfum við rétt á því að senda viðkomandi greiðsluseðil í heimabanka fyrir upphæðinni. Annars gildir sami uppsagnarfrestur og á venjulegri greiðsluleið gegnum Valitor. Ef nota skal nýju greiðsluleiðina er bókað á sama hátt og venjulega en í lokin skal notast við afsláttarkóðann "greidslufrestur" og gefur hann þá viðkomandi 100% afslátt af básaleigu. Að básaleigu lokinni verður básaleigan dregin af hagnaði og mismunur greiddur út. ATH: Viðskiptavinir sem nýta sér þessa leið fá einungis greitt þegar básaleigu lýkur. 

ATH: Það er alltaf tekið 15% þóknun af sölu hvort sem það er greitt fyrirfram fyrir básaleigu eða ''Greiðslufrestur'' notaður. 

ATH það er stranglega bannað að auglýsa á síðum okkar og fá greitt án þess að Kringlubazaar hafi milligöngu um það. Allar vörur sem skráðar eru hjá okkur og eru keyptar í verslun okkar bera 15% kostnað vegna þóknunar.  

Keypt á netinu

Eins og staðan í dag að þá er bara hægt að kaupa vöru á vefverslun KringluBazaar gegn því að greiða hana við afhendingu og eða í gegn símgreiðslu. Verið er að vinna að greiðslugátt í samstafi við greiðsluþjónustur. 

  • Þegar þú hefur gengið frá kaupum á netinu að þá verður viðkomandi að koma í síðasta lagi sólahring eftir að pöntun hefur verið gerð til að sækja & borga, fyrir lokun búðarinnar. Ef vara er ekki borguð/sótt daginn eftir að pöntun hefur verið gerð fer sú vara samtímis aftur í sölu. Við ábyrgjumst ekki ástand fatnaðarins/hlutarins þar sem þetta getur verið notuð vara/hlutur. Öllum keyptum vörum á heimasíðu okkar fæst hvorki skilað né skipt undir neinum kringumstæðum. Við getum eftir okkar bestu getu lýst ástand vörunnar í gegnum síma. Svona er fyrirkomulagið á meðan við erum að fullklára aðrar greiðslugáttir.

Bókanir

  • Hægt er að leigja bás í gegnum heimasíðuna okkar, www.kringlubazaar.is , í verslun okkar í Kringlunni eða í síma: 5717022.
  • Kringlubazaar áskilur sér rétt til að hætta við pantanir, t.d. vegna rangra verðupplýsinga eða hætta að bjóða upp á vörutegundir fyrirvaralaust. Áskilinn er réttur til að staðfesta pantanir símleiðis.
  • Allar pantanir eru afgreiddar næsta virka dag eftir pöntun.

Afbókanir

  • Ef þú vilt afbóka básinn þinn og fá endurgreitt verður afbókun að vera eigi síðar en 14 dögum fyrir upphafsdag leigutímabilsins. Ef færri en 14 dagar eru í upphaf leigutímabils er ekki hægt að fá básinn endurgreiddan. Hins vegar getur þú séð um það sjálf/ur að selja básinn áfram.

Verð....

  • Öll verð á vefsíðunni eru með inniföldum 24% vsk.

Þóknun

  • 15% þóknun verður dregin frá samanlagðri heildarsölu, áður en hagnaður er greiddur út til leigutaka.

Sjálfstæður rekstur

  • Ef þú ætlar að reka þína eigin verslun í básnum, ertu sjálf/ur ábyrg/ur fyrir því að gefa upp réttar upplýsingar til skattsins. Einnig ber að tilkynna okkur það við bókun ef ætlunin er að selja vörur frá VSK-skráðu fyrirtæki.

Á MEÐAN Á LEIGUTÍMA STENDUR


Í upphafi leigutímabils

  • Hægt er að koma og setja básinn upp 2 klst fyrir lokun Kringlunnar daginn áður en leigutímabil hefst, opnunartíma kringlunnar má sjá á https://www.kringlan.is/verslun-og-thjonusta/afgreidslutimar Einnig er í boði að setja upp básinn þegar það opnar daginn sem leigutímabilið hefst. Ef engar vörur eru komnar í básinn í enda upphafsdags leigutímabils og ekkert heyrst frá leigjanda áskiljum við okkur rétt að fylla uppí básinn. Ef það eru lokunardagar á því leigutímabili sem bás er bókaður reiknast þeir ekki með í heildardögum tímabils. Leigutímabilið er sá fjöldi daga sem valdir eru þegar bás er bókaður. Ef viðkomandi vill nýta sér frídag sem auka dag verður hann að láta vita síðasta lagi tveimur dögum áður en leigu lýkur og reynum við eftir okkar bestu getu að hafa þá sama bás. Ef ekki þá getur verið að við þurfum að færa viðkomandi um bás. Ekki er heimilt að setja upp festingar í básunum, aðrar en þær sem fyrir eru. Ef vörur eru settar uppá básinn eða út fyrir básinn verða þær fjarlægðar án viðvörunar. Mikilvægt er að þú sjáir sjálf/ur um að allar vörur séu rétt merktar með strikamerkjum og að verðmerkingar séu réttar.

Þjófavarnir

  • Ótakmarkað magn af þjófavörnum fylgja með í leiguverðinu fyrir vörur sem eru verðlagðar yfir 1.500 krónum. Húsið er vaktað með öryggismyndavélum, öryggisverðir eru til taks í Kringlunni og starfsfólk okkar fylgist með búðarþjófnaði. Kringlubazaar ber ekki ábyrgð á stolnum, týndum né eyðilögðum vörum og í tilfelli af eldsvoða og vatnsskaða erum við ekki bótaskyld. Innbústrygging þín bætir hugsanlega bruna/ vatnsskaða eða þjófnað – hafðu samband við þitt tryggingafélag til að fá frekari upplýsingar um það.

Eignaréttur og vöruskilmálar

  • Seljandi er einn ábyrgur fyrir því að hafa ótakmarkaðan eignarétt á vörum sínum og rétt til þess að selja þær í básnum. Ekki er heimilt að selja ólöglegar, falsaðar eða skaðlegar vörur, tóbak, áfengi, matvöru, vopn, flugelda, klámfengið efni eða aðrar vörur sem starfsfólk telur ekki við hæfi. Einnig er ekki heimilt að hafa vörur keyptar frá Ebay, Wish, Aliexpress o.s.frv., og þá sérstaklega vörur sem ekki eru CE vottaðar, til sölu í Kringlubazaar, NEMA Í SAMRÁÐI VIÐ STARFSMANN KRINGLUBAZAAR. Nafnspjöld eða önnur slík markaðssetning er ekki leyfileg í básnum. Ef þessu er ekki framfylgt verða vörur úr tilteknum básum fjarlægðar án fyrirvara. Starfsfólk hefur einnig rétt á að vísa frá eða fjarlægja vörur, sem samræmast ekki kröfum Kringlubazaar um gæði og staðla verslunarinnar, eins og til dæmis skítugar, illa lyktandi eða götóttar vörur. Ath. að vörum sem keyptar eru í Kringlubazaar fást hvorki skilað né skipt. Varan er keypt í því ástandi sem hún er í og er því á ábyrgð kaupanda eftir greiðslu.

Skipulag og áfylling á bás

  • Þú ert sjálf/ur ábyrg/ur fyrir básnum þínum og mátt fylla á básinn þinn hvenær sem er yfir leigutímann. Ef þú bætir vörum við á básinn þinn, kostar það 100krónur að prenta út auka verðmiða fyrir hverja 10límmiða. Einnig hefur þú möguleika á því að greiða aukalega fyrir tiltekt í bás á meðan á leigutíma stendur. Ef verðmiði hefur dottið af vöru eða vörur finnast í versluninni eftir að leigutíma er lokið, verðum við með aðstöðu fyrir óskilamuni. Við ráðleggjum einnig að kíkja reglulega í óskilamuni og líka eftir að leigutíma lýkur, þar sem margar vörur koma oftar en ekki í leitirnar þegar aðrir básaleigjendur taka niður sína bása. Vörur án verðmiða munu verða geymdar í óskilamunum í 14 daga, en eftir þann tíma áskiljum við okkur rétt á að gefa þau til góðgerðarmála, selja þau eða ráðstafa þeim á einhvern hátt.

Breyta verðum

  • Ef óskað er eftir að breyta verðum á vörum á meðan á leigutíma stendur, þarf að setja nýjan verðmiða á vöruna. Verðmiðum sem hefur verið breytt eða strikað yfir eru ógildir af öryggisástæðum.

Afsláttur í básnum

  • Þú hefur möguleika á að setja afslátt á vörurnar í básnum þínum, það gerir þú inná þínum síðum á heimasíðunni okkar. Eftir að afsláttur hefur verið settur inn kemur hann sjálfkrafa inn þegar vara er skönnuð. Ath að það þarf að láta okkur vita þegar afsláttur er settur á bás svo hægt sé að setja merkingar á básinn. Afsláttarskilti færðu í afgreiðslunni og hægt er að velja á milli 25%, 50% eða 75% afslátt. Við berum ekki ábyrgð á því ef vitlaus afsláttur er skráður. 

Í LOK LEIGUTÍMANS


Bás tæmdur

  • Básinn þarf að vera orðin tómur í seinasta lagi 2 klst fyrir lokun Kringlunnar á síðasta degi leigutímabils, opnunartíma Kringlunnar má sjá hér https://www.kringlan.is/verslun-og-thjonusta/afgreidslutimar
  • Þú ert sjálf/ur ábyrg/ur fyrir því að tæma básinn í lok leigutíma, nema að búið sé að greiða sérstaklega fyrir þá þjónustu. Mikilvægt er að verðmiðar séu ennþá á vörunum þegar básinn er tæmdur, þar sem vörur án verðmiða má ekki taka með út úr versluninni. Starfsfólk hefur rétt á að athuga hvort verðmiðar séu á vörunum. Athugið að hafa skilríki meðferðis til að sýna starfsfólki þegar leigutímabili er lokið.
  • Ef básinn er ekki orðin tómur 2 klukkustundum fyrir lokun og ekkert samkomulag verið gert varðandi það, munum við sjá um að pakka vörunum niður og rukka fyrir það afgreiðslugjald sem nemur 4.000 krónum. Einnig hefur þú möguleika á því að greiða okkur til að tæma básinn, og kostar það 2.000 krónur þegar samið er um það fyrirfram. Við geymum vörurnar í viku að hámarki, en rukkum 1.000 krónur fyrir hvern dag sem vörurnar eru í geymslu hjá okkur. Eftir það eru þær í eigu Kringlubazaar.

Söluhagnaður greiddur út

  • Söluhagnaður getur tekið allt að 2-3 virka daga að berast eftir að sótt er um útborgun. 
  • ATH: Fullt nafn þarf að vera skráð í stillingum áður en sótt er um útborgun.
  • Fyrir sakir starfsfólks Kringlubazaar, geymum við ekki stórar upphæðir af reiðufé í versluninni, og getum við því ekki greitt söluhagnaðinn út í reiðufé. Ef einhverjar vörur gleymast í versluninni og seljast innan við 4 vikur eftir að leigutímabil klárast, þá þarf að láta starfsmenn okkar vita svo hægt sé að millifæra þann söluhagnað inná reikning eiganda. Útborgun af söluhagnaði verður að gerast innan 90 daga eftir að leigutímabili lýkur.

Persónuverndarstefna

  • Kringlubazaar heitir viðskiptavin fullum trúnaði um allar upplýsingar sem hann gefur upp í tengslum við viðskiptin.
  • Upplýsingar um viðskiptavini verða ekki undir neinum kringumstæðum afhentar þriðja aðila.
  • Privacy policy All personal information will be strictly confidential and will not be given or sold to a third party.

Lög og varnarþing

  • Samningur þessi er í samræmi við íslensk lög. Rísi mál vegna hans skal það rekið fyrir Héraðsdómi Reykjaness.
  • Governing law / Jurisdiction These Terms and Conditions are in accordance with Icelandic law.